XX. mendeko Euskararen Corpus estatistikoa

Testuingurua

XIX. URRIKO EURIA

Urriko euria
erruki oroz betea,
hildako hostoarentzat
pakearen atea.

Setatsuki dario zeruari
hodeiak hautsi, espazioaz jabetuz,
landetako hesien alanbreari
agorte luzeko zornea kenduz.

Azken xori kanta uxatu digu
ta azken lora zurtoina lurreratu,
datorkigun neguaren katigu
kabia, lilura digu lehertu.

Beldur hotz ta luzearen postari
bordako leihoetan deitu nauzu
sutondoan diezazudan eskaini
epelera, gau gozoaren mezu.

Urriko euritea
erruki oroz betea,
hildako hostoarentzat
pakearen atea.

Atea ireki, zuregana joan
kantzerrak bere sendakariari
zor liokeen begirunea eman...
zer egin dezaket... erromesari.